بفزعتنا… نأمّن بيتم ونطَمّن قلوبهم

في القصيم.. عائلة تنام والخوف يغطيهم قبل الغطا 💔 كل ليلة يسمعون صوت الموية تنقط من السقف، والجدران تتشقق قدام عيونهم، والأسلاك المكشوفة تهدد حياتهم وهم ساكتين من القهر والخوف. ما عندهم سرير ينامون عليه، ولا غرفة تحميهم من برد الليل ولا من مطر الشتاء. البيت اللي المفروض يكون أمانهم، صار خوفهم الأكبر. يمكن صوتهم ما وصل، لكن وجعهم واضح، وجع البرد، ووجع الخطر، ووجع العجز. بيدك تقدر تغيّر كل شي.. تقدر تردّ لهم الأمان، وتخليهم ينامون أول ليلة بدون خوف.